Беражыце хлопцы шапкі! 10ы Пятрок хутка!

 Калі добра працаваць, то і святы вернуцца.

У 2007 годзе на Любаншчыне ў в. Шыпілавічы супрацоўнікі культуры аднавілі свята Пятрок.

Народнае святкаванне тут спынілася ў 70я гады. А некалі менавіта праваслаўныя святары прызначылі тут святочны малебен, на які з’язджаліся сваякі і госці з далёкіх і блізкіх вёсак.  Людзі святкавалі, хадзілі па гасцёх, варылі супольную юшку, танцавалі і спявалі, доўжачы тым самым традыцыю кірмашавання.

У 2011 годзе да свята была прымеркаваная летняя традыцыйная школа  “Пятровіца”, якая паступова перарасла ў фэст традыцыйнай культуры.

Абрады і звычаі Петрака давялося аднаўляць па крупінках.

І сёння  адзінае месца ў Беларусі, дзе святкуюць Пятра – в. Шыпілавічына Любаншчыне.

А 9 ліпеня ў тэлеперадачы “Наперад у мінулае” можна будзе паглядзець сюжэт пра гэтае свята.

У 2017 адноўлены Пятрок  ў 10ты раз збярэ гасцей і сваякоў!

Доўгіх год, Пятрок!