Пятроўскі інтэнсіў 8 ліпеня

Пятроўскі інтэнсіў 8 ліпеня

21/05/2018 Навіны 0

 

 

Шчыра запрашаем 8 ліпеня на Пятроўскі танцавальны інтэнсіў!

Так цешыць, што на Пятровіцу прыязджаюць  часта ўжо спрынтыя і вопытныя танцоры. Але нам вельмі прыемна, што людзі наважваюцца прыехаць на фэст і для таго, каб пачаць танцаваць.

Напярэдадні Пятроўскага фэсту мы вырашылі прысвяціць асобны дзень асновам  беларускіх танцаў. Усё навучанне будзе скіравана на пачаткоўцаў. Абяцаем угаварыць музыкаў граць павольна і доўга.

Каго мы чакаем?

Тых, хто па нейкіх прычынах яшчэ не зрабіў свой першы трохкрок у свет танцаў.

Тых, хто вельмі хоча вальней пачувацца на танцавальных вечарынках.

Тых, каму трэба “ўтаптаць трохкрок” і “дакружыць вальс”.

Тых, хто мае пытанні  датычныя танцаў і вечарынак.

Аматараў актыўнага, вельмі актыўнага, адпачынку.

 

Хто выкладае? 

Дапаможа затанцаваць  аўтар методыкі выкладання танцаў дзецям, слынны этнограф і харэограф  Сяргей Выскварка.

Выкладачык з вопытам у чвэрцьстагоддзя ведае як укласці рытм у рукі і ногі 6гадоваму дзіцёнку і як растанцаваць бабулю з кіёчкам.

Больш пра гэтага цікавага і самавітага чалавека з Любаншчыны спытайце ў гугл і вікі:

https://be.wikipedia.org/wiki/%D0%A1%D1%8F%D1%80%D0%B3%D0%B5%D0%B9_%D0%93%D0%B5%D0%BE%D1%80%D0%B3%D1%96%D0%B5%D0%B2%D1%96%D1%87_%D0%92%D1%8B%D1%81%D0%BA%D0%B2%D0%B0%D1%80%D0%BA%D0%B0

Што ў праграме?

Падчас 8 гадзінных заняткаў удзельнікі  навучацца чуць і адрозніваць рытм, авалодаюць асноўнымі рухамі, трохкрокам і  вальсавым крокам, асвояць 5-10 побытавых танцаў.

Больш таго яны пазнаёмяцца з танцавальным этыкетам, з відамі танцаў, перыядамі і гісторыяй іх з’яўлення.

 Калі не заглыбляцца ў псіхалагічныя і аздараўляльныя аспекты танцаў, удзел у такім навучанні дапаможа хутка і вясёла развіць у сабе танцора. Пасля інтэнсіву можна смела кіравацца на танцавальныя вечарынкі ў сталіцы і  іншых гарадах.

Якія ўмовы?

Заняткі адбудуцца ў в.Шыпілавічы Любанскага раёна. 

З Мінску будзе арганізаваная маршрутка, якая адправіцца меркавана ў 8 раніцы ад Чыгуначнага вакзала.

Заканчэнне заняткаў і ад’езд будуць залежаць ад колькасці і жаданняў удзельнікаў.

Будзе арганізаваная маршрутка, якая адправіцца ў МІнск альбо у 17.00, альбо у 19.00.

Праезд у маршрутцы каштуе 10 рублёў у адзін бок.

 Ежу варта прадумаць самім. Арганізатары прапануюць гарбату і халодныя напоі. У вёсцы ёсць харчовая крама.

Удзел у інтэнсіве бескаштоўны. Вітаюцца ахвяраванні на арганізацыю заняткаў (5 руб).

Ёсць пытанні?

Тэлефануйце Настассі 8 025 9059589.

Прыездзеце?

Запоўніце анкету ўдзельніка да 1 ліпеня https://docs.google.com/forms/d/e/1FAIpQLScgj3P17P5KRmtf_T8lMT–HEuyWIvg9lJFlAIXuH0EF_PHwA/viewform?usp=sf_link

Да сустрэчы!

Пакінуць адказ

Ваш адрас электроннай пошты не будзе апублікаваны.