Парады

 

Дзе я буду жыць?

 База фэсту знаходзіцца ў межах вёскі, на падворку сям’і Кухарэнка.

Жыць можна альбо ў намёце, які вы прывязеце з сабой, альбо “на п’ятрах” ( на сене). Але пад п’ятрамі куры ды качкі, то бірушы ў вушы не лішнія будуць))).

Іншыя варыянты і ўмовы варта папярэдне ўзгадняць з арганізатарамі.

Ёсць летні душ, прас, імбрыкі для падагрэву вады, вогнішча.

У цёплае надвор’е можна паехаць купацца ў возеры.

Крыху фота  тут:

 

Што я буду есці?

Харчаванне цэнтралізаванае. Ежа простая і натуральная, пераважна са свайго агарода.

Гатаваць самастойна сабе ежу амаль няма ўмоваў, а часу не будзе дакладна.

 

Якія рэчы неабходныя?

– народны строй, а лепей два!

– зручны абутак для танцаў;

– дзяўчатам –  спадніцы;

– міска, лыжка, кубак;

– нешта падсілкавацца на дзень прыезду ( вячэра будзе толькі вечарам);

– спальнікі і намёты;

– купальнікі (купаемся ў возеры мясцовым);

– грошы ( у краму прывозяць шмат марозіва спецыяльна да фэсту)));

– нешта цёплае з адзення на вечар;

 – пару цёплых шчарпэтак на выпадак дажджу;

– стужкі,рушнікі для абракання 12 ліпеня. Абракацца могуць і мужчыны.

 

Ці трэба плаціць?

З моманту свайго заснавання, Пятровіца існуе за кошт ахвяраванняў удзельнікаў.

У 2024м годзе грашовыя ахвяраванні спатрэбяцца на ежу i транспартныя выдаткі.

Яшчэ раз зафіксую, ахвяраванні -гэта менавіта ахвяраванні, а не абавязковая аплата ўдзелу. 

Удзел дзяцей – па дамоўленасці з арганізатарамі.

NB! Прашу ўладальнікаў аўто заправіць машыны з запасам і захаваць чэкі. Так склалася, што калі застаюцца непатрачаныя грошы, то арганізатары вяртаюць кіроўцам выдаткі на паліва.  Так будзе і  ў гэтым годзе.