Дзе я буду жыць?
База фэсту знаходзіцца ў межах вёскі, на падворку сям’і Кухарэнка.
Жыць можна альбо ў намёце, які вы прывязеце з сабой, альбо “на п’ятрах” ( на сене). Але пад п’ятрамі куры ды качкі, то бірушы ў вушы не лішнія будуць))).
Іншыя варыянты і ўмовы варта папярэдне ўзгадняць з арганізатарамі.
Ёсць летні душ, прас, імбрыкі для падагрэву вады, вогнішча.
У цёплае надвор’е можна паехаць купацца ў возеры.
Крыху фота тут:
Што я буду есці?
Харчаванне цэнтралізаванае. Ежа простая і натуральная, пераважна са свайго агарода.
Гатаваць самастойна сабе ежу амаль няма ўмоваў, а часу не будзе дакладна.
Якія рэчы неабходныя?
– народны строй, а лепей два!
– зручны абутак для танцаў;
– дзяўчатам – спадніцы;
– хлопцам – нагавіцы;
– міска, лыжка, кубак;
– ёмістасць для вады ў дарогу;
– нешта падсілкавацца на дзень прыезду ( вячэра будзе толькі вечарам);
– спальнікі і намёты;
– купальнікі (магчыма купанне ў возеры мясцовым);
– грошы ( у краму прывозяць шмат марозіва спецыяльна да фэсту)));
– нешта цёплае з адзення на вечар;
– пару цёплых шчарпэтак на выпадак дажджу;
– стужкі,рушнікі для абракання 12 ліпеня. Абракацца могуць і мужчыны.
Важнае!
Просьба да жанчын: насіць спадніцах доўгія)) Гэта ўплывае на пластыку і манеру танца.
Просьба да мужчын: насіць нагавіцы, можна штаны)), але не шорты. Гэта ўплывае на пластыку і манеру танца. Традыцыйная кашуля з шортамі дзіўна выглядае агулам.
Міска А. Горвата ў нас адна))), пластыкавых хапае, вядома, але лепш свой посуд не забываць і не карыстацца пластыкавым )))
Вельмі прашу вопытных пятроўцаў не разбягацца адразу па кустах пасля прыезду. Мне важна прагаварыць некаторыя рэчы для ўсіх адразу.
Пасля будаўніцтва дома, тэрыторыя падзеленая і гук па ёй перамяшчаецца горш, таму адразу ўсіх паклікаць немагчыма і даводзіцца бегаць збіраць вас па кустах.
Таму чакаю прыезду маршруткі (ці абедзьвух), каб асноўнае абвесціць. А тады ўжо будзем абдымацца і ўладкоўвацца.
Закрыццё фэсту.
Заключная вячэра фэста адбываецца ў фармаце бяседы. . Гэта яшчэ адна важная беларуская традыцыя. Жывая ў нашай сям’і. Пачынаюць яе гаспадары і таму важна ўсім сабрацца разам. Таму чакаем на яе звычайна пакуль большасць збярэцца. Акцэнтую ўвагу на гэтым цяпер, не спазняйцеся.
Ці трэба плаціць?
З моманту свайго заснавання, Пятровіца існуе за кошт ахвяраванняў удзельнікаў.
Грашовыя ахвяраванні спатрэбяцца на ежу i транспартныя выдаткі.
Яшчэ раз зафіксую, ахвяраванні -гэта менавіта ахвяраванні, а не абавязковая аплата ўдзелу.
Удзел дзяцей – па дамоўленасці з арганізатарамі.
NB! Прашу ўладальнікаў аўто заправіць машыны з запасам і захаваць чэкі. Так склалася, што калі застаюцца непатрачаныя грошы, то арганізатары вяртаюць кіроўцам выдаткі на паліва. Так будзе і ў гэтым годзе.
